विदेश
माइक्रोसफ्टले एआईमा २३ अर्ब डलर लगानी गर्दै
काठमाडौं । माइक्रोसफ्टले मंगलबार एआई (कृत्रिम बुद्धिमत्ता) को क्षेत्रमा लगभग २३ अर्ब डलरको नयाँ लगानी गर्ने घोषणा गरेको छ । यसमध्ये सबैभन्दा ठूलो हिस्सा भारतलाई प्राप्त हुनेछ ।
कम्पनीका सीईओ सत्या नडेलाले भने, “हामी भारतमा १७.५ अर्ब डलर लगाउनेछौँ । सबैभन्दा ठूलो एआई र क्लाउड पूर्वाधार (ढाँचा) निर्माण गर्न सकियोस् भन्ने हाम्रो उद्देश्य हो ।”
यो लगानी पहिले घोषणा गरिएको तीन अर्ब डलरको लगानीभन्दा अलग हुने बताइएको छ । पहिलो नयाँ डाटा सेन्टर २०२६ को मध्यमा सञ्चालनमा आउने तयारीमा छ ।
बढ्दो एआई मागलाई पूरा गर्न र गुगलको प्यारेन्ट कम्पनी अल्फाबेटलाई टक्कर दिन माइक्रोसफ्ट विश्वभर आफ्नो क्लाउड क्षमता बढाइरहेको छ ।
कम्पनीले आजै क्यानडामा पनि अर्को दुई वर्षमा ७.५ अर्ब क्यानेडियन डलरभन्दा बढी लगानी गर्ने बताएको छ । रोयटर्स
प्रकाशित मिति: बुधबार, मंसिर २४, २०८२ ०९:०३
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
ब्लग
