राजनीति
कोसीका सभामुखको कुर्सीमा बसेर प्रदर्शनकारीले खिचाए फोटो
विराटनगर । ‘जेनजी’को प्रदर्शनका क्रममा मोरङको विराटनगरस्थित कोसी प्रदेशसभा कब्जा गरिएको छ । प्रदर्शनकारीले भवनभित्र तोडफोड र आगजनी गरेका छन् ।
सभाको बैठक कक्षसम्म पुगेका प्रदर्शनकारीले कुर्सी, टेबललगायत संरचना तोडफोड गरेका छन् । दर्जनौँ सरकारी सवारीसाधनमा आगजनी गरिएको छ ।
सुरक्षाकर्मी र कर्मचारी भवनबाट बाहिरिएपछि प्रदर्शनकारी सजिलै सभाभित्र प्रवेश गरेका थिए । त्यसक्रममा एक प्रदर्शनकारी सभामुख बस्ने कुर्सीमा बसेर फोटो खिचाएको दृश्य सामाजिक सञ्जालमा सार्वजनिक भएको छ ।
स्थिति नियन्त्रणमा लिन प्रयास जारी रहेको जनाइएको छ । तर, प्रदेशसभा परिसर अझै प्रदर्शनकारीको कब्जामा छ ।
प्रकाशित मिति: मंगलबार, भदौ २४, २०८२ १४:५४
प्रतिक्रिया दिनुहोस्
सम्बन्धित समाचार
-1765884612.jpeg)
सिफारिस
प्रवास
कार्टुन
भिडियो
विचार
अन्तर्वार्ता
ब्लग
