बैंकर र व्यवसायी छुट्ट्याउने भए तीन वर्ष ‘कुलिङ पिरियड’ राखौँ : सांसद गौतम
काठमाडौं । राष्ट्रिय स्वतन्त्र पार्टी (रास्वपा)की सांसद सोविता गौतमले बैंकर र व्यवसायी छुट्टउने भए ‘कुलिङ पिरियड’ राखिनुपर्ने बताएकी छन् । प्रतिनिधिसभाअन्तर्गतको अर्थ समितिको बैठकमा बिहीबार (असार २६) उनले बैंक तथा वित्तीय संस्थासम्बन्धी विधेयकमाथिको छलफलमा यस्तो बताएकी हुन् ।
राज्यले कुनै व्यवस्था गर्दा उद्योग–व्यवसायीको सम्पत्तिको क्षति नहुने गरी व्यावहारिक हिसाबले गर्नुपर्नेमा उनले जोड दिइन् । बैंकर र व्यवसायी छुट्ट्याउने भए कुलिङ पिरियड अनिवार्य रूपमा तीन वर्ष राख्नुपर्ने उनले बताइन् ।
“सबैको चासो बैंकर र व्यवसायी छुट्ट्यउनेमा छ । यदि, छुट्ट्याउने हो भने तीन वर्षको समय दिनुपर्छ,” उनले भनिन्, “जसबाट उद्योगी, व्यवसायीहरूले सम्पत्ति व्यवस्थापन गर्न सकून् ।”
बैंकर र व्यवसायी छुट्ट्याउँदा स्वार्थको द्वन्द अन्त्य हुन सक्ने उनको भनाइ थियो । न्युज एजेन्सी नेपाल
-1765884612.jpeg)
