एन्फा यू–१६ युथ लिग पुनः सुरु, हिमालयनको फराकिलो जित
काठमाडौं । हिमालयन शेर्पा क्लबले एन्फा यू–१६ युथ लिगमा प्लानिङ ब्वाइज युनाइटेडविरुद्ध ६–० को फराकिलो जित निकालेको छ ।
सोमबार सातदोबाटोस्थित एन्फा मुख्यालयमा हिमालयनलाई जित दिलाउन विष्णु सुनुवारले ‘ह्याट्रिक’ प्रहार गरे । किशोर बम, विवेक हमाल र जेनिल सुब्बाले पनि समान एक गोल गरे ।
हिमालयनले पहिलो र दोस्रो हाफमा समान तीन गोल गरेको थियो ।
खेलको १३औँ मिनेटमा विष्णुले हिमालयनलाई अग्रता दिलाए । १४औँ मिनेटमा उनले व्यक्तिगत दोस्रो गोल गर्दै अग्रतालाई दोब्बर बनाए ।
यस्तै, २३आँै मिनेटमा उनै विष्णुले ‘ह्याट्रिक’ प्रहार गर्दै अग्रतालाई ३–० को अवस्थामा पुर्याए ।
४७औँ मिनेटमा किशोरले अग्रतामा एक गोल थप्दा ६६औँ मिनेटमा विवेकले छैटौँ गोल गरे ।
८५औँ मिनटमा जेनिलले गोल गरेपछि हिमालयनले ६–० को जित पक्का गरेको हो ।
जितसँगै हिमालयनले लिगमा २५ अंक जोडेको छ । पराजित प्लानिङ भने १० अंकमा सिमित छ ।
आजैदेखि स्थगित लिग पुनः सञ्चालन भएको छ । गत भदौ २३ र २४ गते भएको जेनजी आन्दोलनका कारण लिग स्थगन गरिएको थियो ।
