देश
थापाथलीको ट्राफिक प्रहरी प्रभाग सार्न महानगरको सातदिने अल्टिमेटम
काठमाडौं । काठमाडौं महानगरपालिकाले थापाथलीस्थित ट्राफिक प्रहरी प्रभाग सार्न सात दिनको समय दिएको छ ।
महानगरले गुठी संस्थानको जग्गामा बनेको भवनलाई भत्काउने तयारी गरेको महानगरका नगरप्रहरी एसपी विष्णुप्रसाद जोशीले जानकारी दिए ।
“तीन दिन लगाएर थापाथलीबाट त्रिपुरेश्वर जाने मोडमा रहेका अवैध संरचना भत्काइरहेका छौँ । त्यहाँ रहेको ट्राफिक कार्यालयलाई पनि मौखिकरूपमा सात दिनभित्र सर्नका लागि समय दिइएको छ,” उनले बाह्रखरीसित भने ।
महानगरका अनुसार, गुठी संस्थानको जग्गाभित्र होटल, पसललगायत संरचना निर्माण गरिएको थियो । काठमाडौं उपत्यका ट्राफिक प्रहरी कार्यालयका प्रमुख नवराज अधिकारीले भवन भत्काउनेबारे आफूलाई जानकारी नभएको बताए ।
प्रकाशित मिति: आइतबार, कात्तिक १६, २०८२ १२:४२
प्रतिक्रिया दिनुहोस्
सम्बन्धित समाचार
-1759642161.jpeg)
सिफारिस
प्रवास
कार्टुन
भिडियो
विचार
अन्तर्वार्ता
ब्लग
