देश
सिन्धुपाल्चोक र कञ्चनपुरमा तास खेलिरहेका १४ जना पक्राउ
काठमाडौं । सिन्धुपाल्चोक र कञ्चनपुरमा तास खेलिरहेका १४ जनालाई प्रहरीले पक्राउ गरेको छ ।
सिन्धुपाल्चोकमा पक्राउ पर्नेमा जुगल गाउँपालिका–६ का ४२ वर्षीय नन्दराज श्रेष्ठसहित पाँचजना छन् । जुगल–६, हाब्रास्थित एक घरमा जुवातास खेलिरहेको अवस्थामा शनिबार (कात्तिक ८) राति उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।
नगद ८५ हजार ४५ रुपैयाँ र एक बुक ताससहित उनीहरूलाई पक्राउ गरिएको प्रहरीले जनाएको छ ।
कञ्चनपुरमा पक्राउ पर्नेमा भीमदत्त नगरपालिका–६, ऐठपुरका ५० वर्षीय दीपक पाठकसहित नौजना छन् । भीमदत्त–१, भासीस्थित एक घरमा जुवातास खेलिरहेको अवस्थामा शनिबार दिउँसो उनीहरूलाई पक्राउ गरिएको प्रहरीले जनाएको छ ।
नगद ५५ हजार १५ रुपैयाँ र आठ बुक ताससहित उनीहरूलाई पक्राउ गरिएको प्रहरीले जनाएको छ ।
प्रकाशित मिति: आइतबार, कात्तिक ९, २०८२ १२:४०
प्रतिक्रिया दिनुहोस्
सम्बन्धित समाचार
-1759642161.jpeg)
सिफारिस
प्रवास
कार्टुन
भिडियो
विचार
अन्तर्वार्ता
ब्लग
