साहित्य
कविता
कर्मठ नेता !
शंकरप्रसाद गौतम
म देशको कर्मठ नेता हुँ
सधैँ देश र जनताको भलो चिताउँछु
सार्वभौमसत्ता र अखण्डता राख्ने नारा घन्काउँछु
जब म सत्तामा हुन्छु, सयौँ झोलेहरू
मेरो वरिपरि स्तुतिगान गाइरहेका हुन्छन्
आफ्नो स्वार्थसिद्धी पूरा गर्छन्
दिन सधैँ एकनास रहन्न
मसँग पैसा हुन्न, डन हुन्नन्
म चुनाव हार्छु
विडम्बना,
झोलेहरू डेरा सर्छन्
सिनोजस्तै गनाउँछन्
जब मेरो मृत्यु हुन्छ,
मेराबारेमा हजारौँ शब्द खर्चिन्छन्
दुई थोपा गोहीका आँसु चुहाउँछन्
देवत्वकरण गराउने होडबाजी गर्छन् ।
प्रकाशित मिति: शनिबार, भदौ २८, २०८२ ०७:०२
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
ब्लग
