जलाइएको कार्यालयबाट ट्राफिकले सुरु गर्यो काम, डिउटीमा फर्कंदै प्रहरी
काठमाडौं । नेपाली सेनाले शुक्रबार (भदौ २७) बिहान ६ देखि ११ बजेसम्म निषेधाज्ञा र कर्फ्यु फुकुवा गरेसँगै सडकमा चहलपहल बढेको छ ।
सार्वजनिक सवारीसाधन बन्द गरिएको छ । सडकमा अत्यावश्यक सवारीसाधन मात्र चलाइएको छ ।
मुख्य सडकमा छिटपुट ट्राफिक प्रहरी खटिन थालेका छन् । नेपाल प्रहरीले पनि आफ्नो डिउटी थालेको जनाएको छ ।
काठमाडौं उपत्यका ट्राफिक प्रहरी कार्यालयका एसपी दीपक गिरीले जलाइएको कार्यालयबाटै सेवा सुरु गरिएको जानकारी दिए ।
“ट्राफिक कार्यालय सञ्चालन गरेका छौँ । सरसफाइको काम भइरहेको छ । ट्राफिकहरूका डे«सहरू जलेका छन् । तयार गर्दै छौँ । मुख्यमुख्य सडकमा डिउटी पनि राख्दै छौँ,” उनले बाह्रखरीसित भने ।
काठमाडौं उपत्यकामा यस दिन बिहान ११ देखि बेलुका ५ बजेसम्म निषेधाज्ञा लागु गरिनेछ । त्यसपछि बेलुका ५ देखि ७ बजेसम्म अत्यावश्यक आवतजावतका निम्ति खुला गरिनेछ । बेलुका ७ देखि शनिबार (भदौ २८) गते बिहान ६ बजेसम्म कर्फ्यु लगाइनेछ ।
-1759642161.jpeg)
