देश

सुर्खेतमा लागुऔषधसहित दुईजना पक्राउ

बुधबार, भदौ १८, २०८२

सुर्खेतमा लागुऔषधसहित दुईजना पक्राउ — प्रतीकात्मक तस्बिर ।

सुर्खेत । सुर्खेतमा लागुऔषध (ब्राउनसुगर) दुई ग्राम ८५० मिलिग्रामसहित दुईजना पक्राउ परेका छन् । वीरेन्द्रनगर नगरपालिका–११ मा लागुऔषध कारोबार भइरहेको भन्ने गोप्य सूचनाको आधारमा जिल्ला प्रहरी कार्यालय सुर्खेत र लागुऔषध नियन्त्रण शाखा सुर्खेतबाट खटिएको संयुक्त टोलीले उनीहरूलाई पक्राउ गरेको हो ।

पक्राउ पर्नेमा वीरेन्द्रनगर–११ का २४ वर्षीय लोकप्रसाद आचार्य र सोही स्थानका २० वर्षीय धनबहादुर सोमै मगर रहेका प्रहरीले जनाएको छ । उनीहरूको साथ र घर तलासी गर्ने क्रममा शुद्ध दुई ग्राम ८५० मिलिग्राम ब्राउनसुगर बरामद भएको प्रहरीले जनाएको छ ।

उनीहरूलाई नियन्त्रणमा लिएर मुद्दा दर्ता गरी म्याद थप गरिएको र थप अनुसन्धान भइरहेको जिल्ला प्रहरी कार्यालय सुर्खेतका प्रवक्ता प्रहरी नायब उपरीक्षक मोहनजंग बुढथापाले जानकारी दिए ।

प्रकाशित मिति: बुधबार, भदौ १८, २०८२ १७:२१