साहित्य
मुक्तक
बिग्रेको गाडी
अमर अधिकारी
१.
राजनीति गर्छु भन्छ शुद्ध काम छैन उसको
नाम फेर्दै हिँड्छ खास नाम छैन उसको
दुनियाँको सम्पत्ति हडप्ने मिटरब्याजी न हो
सहरतिर पसेपछि भने गाम छैन उसको ।
२.
सावधान रहनुस् है बिग्रेको गाडी गुडाउनेदेखि
चनाखो हुनुस् है थोत्रो जहाज उडाउनेदेखि
सदासदा सतर्क हुनुस् है सबै सधैँ
अरूहरूको जिन्दगीको डोरी चुँडाउनेदेखि ।
३.
नपाउनेले केरा पायो बोक्रैसित खायो
खोलाबाट माछा ल्या’को कोक्रैसित खायो
देशमा चण्डालहरूको बिगबिगी छ र त
भ्रष्टाचारीले सरकारी बजेट धोक्रैसित खायो ।
४.
सबैलाई हिउँदमा घाम प्यारो हुन्छ
श्रमिकलाई दिनहुँ काम प्यारो हुन्छ
धनी र गरिबमा फरक भएर नै त होला
धनीलाई जहिले पनि दाम प्यारो हुन्छ ।
(बूढानीलकण्ठ, काठमाडौं)
प्रकाशित मिति: शनिबार, असार २८, २०८२ ०६:५१
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
विचार
अन्तर्वार्ता
ब्लग
