देवी दुर्गाको मूर्ति विसर्जन (तस्बिरहरू)

काठमाडौं । शक्तिस्वरूपा देवी दुर्गाको नौ दिने पूजाआराधना आज गौशालास्थित तिलगंगा आँखा अस्पतालको प्रांगणमा विधिपूर्वक समापन गरिएको छ । आजै महिषासुरमाथि सवार दुर्गाको मूर्तिसहित अन्य देवीदेवताका मूर्ति नदी किनारमा विसर्जन गरिएको छ ।

पूजाको अवधिभर भजनकीर्तन, नाचगान र सांस्कृतिक कार्यक्रम गरिएको थियो । स्त्री शक्तिका रूपमा श्रद्धा अर्पण गरिने यो पर्व महिषासुरमाथि दुर्गाले विजय प्राप्त गरेको उपलक्ष्यमा विशेषरूपमा मनाइन्छ ।

दशौँ दिनमा पूजा सकेर एघारौँ दिनमा मूर्ति विसर्जन गर्ने परम्परा छ ।

रामबाबु कुमार प्रजापतिका अनुसार, देवी दुर्गाको मूर्तिसँगै गणेश, कार्तिकेय, लक्ष्मी र सरस्वतीलगायतका देवीदेवताका मूर्तिलाई पनि सँगै नदीमा विसर्जन गरिन्छ ।

हेर्नुहोस् तस्बिर